pre Roman Michelotti ricorda l'amico Pre TONI al centro Balducci.
Stant che usgnot...
... a son diviers intervents, che a daran aspiets e elements de figure di pre Antoni diferents e svariâts, jo ancje pal fat che o soi predi, o cirarai di presentâ la figure di pre Antoni come predi, om di glesie, di vanzeli, di fede, pastôr, tant a dî te sô funzion primarie. E lu fâs ancje parcè che lui pre Antoni nol à mai vût il minim dubit te sô vite di fâ alc di diferent che il predi-plevan. Lu à sintût di frut in su e cun dutis lis rognis che la gjerarchie i à dât nol à mai metût in discussion la sô sielte, la sô clamade, la sô indule e passion. Che anzit il piês cjastic che a podevin dâi al jere propit chel di gjavâi la parochie, la sô comunitât, la sô int, che jere deventade ancje la sô famee. Duncje mi pâr just presentâ cualchi so pinsîr su come che al viodeve il predi, come che si viodeve sè, e che propit il gleseam masse voltis al à criticât in maniere pesante, e che invezit lui al à vivût cun grande coerence e serietât. E po a Pierluigi te dì de sô consacrazion i veve fat un biel regâl “Fasiti predi e rangjiti”. O presentarai cualchi element, cualchi aspiet fasintlu fevelâ lui, presentant une piçule antologjie dai siei scrits, dal so pinsîr. E o doprarai tescj pal plui dai prins siei periodos di scritôr, che pal moment al è dificil reperî. Si puès notâ une sô coerence di pinsîr che e à durât dute la sô vite. Al veve gambiât dome il stîl di scrivi: plui garibaldìn tal imprin. PER PROSEGUIRE…. CLICCA QUI
Nessun commento:
Posta un commento