Il Dott. Alfio Englaro é la persona che ha seguito Marino durante il lungo calvario della sua malattia.
Grazie alla professionalità di questo medico/amico, Marino ha vissuto sicuramente più anni di quanti questa malattia normalmente concede.
A noi della famiglia, sono stati concessi anni in più con un padre e un marito: un regalo impagabile e immenso.
Ad un mese dalla scomparsa, pubblichiamo un ricordo su Marino scritto dal dott. Alfio Englaro, con la medesima mano con cui lo ha curato e seguito per tanti anni.
Qui di seguito un breve estratto dello scritto che potete leggere interamente cliccando qui.
LA SCUVIERTE DI PRE TONI BELINE
Propit in chest periodo, jodint un viaç a VTC une das intervistes di Celestino Vezzi (di Çurçuvint) fate a pre Toni Beline (nome pa television cjargnele), Marino al ven fulminât da bardele e da savietât di chest preidi dut particolâr che encje lui, dal rest, al veve conossjiût in seminari ma che al veve pierdût di viste par tant timp.
D'in chê dì Marino al tache a lei i prins libris di chest preidi, al va a cjatâlu, a i telefone, a lu invide a mangjâ a cjase sô (e la biade Marie, simpri indafarade in cusine, a fâs la sô biele figure cun mangjâs di otime cualitât). Insome par fâle curte, al devente intim di pre Toni, cul cuâl al imbasdis un rapuart costant intal timp: intervistes, files, rasonaments, domandes, e dut in registrazione VHS. Ogni moment, ogni lûc ai son bogns par meti su une cjacarade cun chest preidi dal savôr dibot luteran: di sabide, di domenie, di sere, tal cortîl, tal parco di Trep, in cjase, suntune bancje...
Savint però che pre Toni a nol veve mai dât intervistes a dinissun che a nol foss un cjargnel di VTC (nè a gjiornâi nè tantmancul a televisions regjionâls), Marino al fâs di dut par convinci pre Toni a jessji dal so isolament linguistic e culturâl e a lu convinç a fâ passâ las sôs intervistes di Trep encje su Telefriuli di Udin.
Pre Toni finalmenti al acete e cussì, in breif, dut il Friûl al po finalmenti conossji chest preidi tant gjeniâl e tant gjenuin. Plui di une volte e di dôs chestes cjacarades tra i doi, as vegnin trasmetudes da TF e tante int a tache a telefonâ seti al preidi che a Marino.
Une roube a è di clarî subit: encje se pre Toni al scriveve su la Vite Catoliche ogni setemane, encje se al veve bielzà publicât un slac di libris, al è stât propit Marino midiant Telefriuli a tirâ fûr pre Toni da sô tane e a portâlu in dutes las cjases furlanes e cjargneles, fasint cussì une operazion culturâl e sociâl di grant merit e di grant valôr.
Cence chest passaç televisîf (prime a Trep e dopo a Udin), pre Toni al sares simpri restât cunfinât inta ristrete clape da "Gleisie Furlane" o da "Vite Catoliche", cence podei mai jessi cerçât (e preseât) da grande masse da int: dal popul furlan, pal cuâl lui al veve adiriture tradot la Bibie interie.
per leggere il testo completo clicca qui. (da cjargne.it)
Nessun commento:
Posta un commento