La bontà di una persona non si misura con la frequenza alle messe come la cultura non viene conteggiata in base al numero dei libri letti.
Un popul cence storie nol va indenant; al va indenant il cuarp ma no il popul. Si po fa di mancul di lâ a messe, e no crôt di blestemâ, ma cence culture e cence religjon no si va indenant. La religjon e je alc di plui profont dal lâ a scuole.
Chei sot dal campanili sono plui dongie dal Signôr dei chei lontans? Chei che a van simpri in glesie sono plui plens di gracie di chei che a metin pît dome par sbalio o par un sanscugnî?
Se a podessin fevelâ i mûrs di tantis canonichis! Se a podessin fevelâ e berlâ tancj predis, vitimis
di une educazion sbalade e di une stuture disumanizant! Al è chest il misteri de glesie: cemût che a fâs a lâ indenant cun maestrancis cussì inadeguadis e a proclamâ la gnove de salvece in maniere tant flape, incoerente e rassegnade. Mai spot tant grant, anzit di impuartance vitâl, al è stât presentâtr cussì mâl.
Tal paiâ lis tassis o tes regulis di circulazion o aceti, ben vulintîr, une regule par ducj, ma tal pensâ Diu o cjati mortificant, presuntuôs e ancje patetic il tentatîf di presentâ al mont intîr une muse sole di Diu come che nus ven di certs tratâts teologjics.
O sai che se un al ûl spiticâsi, soredut partint dai tratâz de teologie e des definizions dal magisteri, al po’ cjatâ in ogni rie e in ogni peraule un rimpin par picjâmi, soredut chel che al è sigûr in te sô fede. Ma se al è sigur, no puedial jessi ancje tolerant, savint che la fede e jè un don di Diu e no un merit so
(Pre Toni Beline)
Iscriviti a:
Commenti sul post (Atom)
Nessun commento:
Posta un commento